Almamegretta
(Passione version – 2010)
‘E ssentevo quanno ero figliola, ‘o cchiammavano ammore
chellu fuoco ca te nasce mpietto e ca maje se ne more
‘e ccumpagne parlavano zitto ‘e na cosa scurnosa
ca na femmena ‘a fa sulamente ‘o mumento ca sposa
e pure si sposa nun songo stata maje
saccio comme volle ‘o sanghe e ‘o core sbatte forte assaje
quanno ‘a voce d’a passione chiamma a te
quanno zitto int’ ‘a na recchia tu te siente ‘e murmulià
nun te scurda’ nun te scurda’
nun te scurda’ pecché sta vita se ne va
nun te scurda’, maje ‘e te
nun te scurda’ nun te scurda’
nun t’ ’o scurda’ pecché si no che campe a fa’
nun te scurda’ ‘e te maje
e tanto ’e llammore ca ’a sciorta m’a miso int’ ’e mmane
ca ‘o vvengo e ‘a ggente pe’ chesto me chiamma puttana
nun’aggio maje saputo sta’ carcerata int’ ‘a casa
a chi me schifa dico vuo’ vede’
ca ‘o cuorpo tu t’ ‘o vinne comme a me
nun me suppuorte e chest’ ‘o ssaccio già
i’ songo ‘o specchio addù nun te vulisse maje guarda’
nun te scurda’ nun te scurda’
nun te scurda’ pecché sta vita se ne va
nunte scurda’, maje ‘e te
nun te scurda’ nun te scurda’
nun t’ ’o scurda’ pecché si no che campe a fa’
nun te scurda’ ‘e te, maje.
mamma, puttana o brutta copia ’e n’ommo
chesté na femmena int’ ‘a chesta parte ‘e munno
ca quanno nasce a cchesto è destinata
e si ‘a cummanna ‘o core d’ ‘a ggente è cundannata.
mamma, puttana o brutta copia ‘e n’ommo
avesse voluto ‘e cchiù int’ ‘a chesta parte ‘e munno
apprezzata no p’ ‘e mascule sgravate no p’ ‘e chisto
cuorpo bello no p’ ‘e mazzate che aggio dato
sulamente pecché femmena so’ stata
e nu catenaccio ‘o core nun me l’aggio maje nzerrato
sulamente pecché femmena so’ stata
sulamente femmena…
nun te scurda’ nun te scurda’
nun te scurda’ pecché sta vita se ne va
nun te scurda’, maje ‘e te
nun te scurda’ nun te scurda’
nun t’ ’o scurda’ pecché si no che campe a fa’
nun te scurda’ ‘e te, maje.
